So ‘nu cane affurtunato
quanno veco all’ati cani
cu chilli capputtielli
senza pullice e senza zecche
me fanno tenerezza
'pe me na rattat è
a meglio soddisfazione da jurnata .
So ‘nu cane affurtunato
ciert jorne nun magno
ma tengo ‘nu padrone
‘ca me vo bene assai
me porta sempe ‘cu isso
A notte durmimmo
dint'a na sporta
fatta e stracci e cartune
stammo vicino
io scarfo a issi
isso scarfa a me.
So 'nu cane affurtunato
pecche saccio
'ca stu padrone stracciato
nun me lassara mai